डेब्यु फिल्म नै फ्लप

भन्छन्, गर्जिने बादल बर्सिन्न । नवराज आचार्य, प्रचण्ड श्रेष्ठ र निगम श्रेष्ठ वर्षभरिकै सबैभन्दा गर्जिने बादल साबित भए । उनीहरू बर्सिन त बर्सिए तर पानीमा हावाको मात्रा मात्रै बढी थियो । त्यसैले तीनवटै निर्देशकका तीनवटै फिल्मले हावा खाए । भिसा गर्लका निर्देशक प्रचण्ड, कलिउडका निर्देशक नवराज र छड्केका निगमले आफ्नै कारणले पहिलो गाँसमै ढुंगा चपाए । 'ओभर एक्स्पेक्टेसन’ गरिएका यी तीन डाइरेक्टरको डेब्यु फिल्म दर्शकले मन पराएनन् ।  अब उनीहरू के गर्लान् ? कलिउड जवाफ पर्खिरहेको छ ।